Маңғыстау облысы Мұнайлы ауданының 35 жастағы тұрғыны 12-баласын дүниеге әкелді. Бұл туралы Stan.kz ақпарат агенттігі хабарлайды.
35 жастағы ана 29 мамыр күні сағат 07:40-та облыстық "Ана мен бала" перинаталдық орталығында табиғи жолмен салмағы 3 900 грамм, бойы 53 см қыз баланы дүниеге әкелді. Көкбалалы ана Ақмоншақ Жақсылықованың айтуынша, отбасында алғашқы үшеуі қыз, одан кейін екі ұл, кейінгілері қыз балалар. Тұңғыш баласының салмағы 4 500 грамм болыпты.
Мекеме директоры Жапырақ Епенованың айтуынша, босану жақсы өтті.
“Әйел мен баланың денсаулығы жақсы. Олар үйіне шығарылды”, – дейді әйел.
Әйел 2011, 2012, 2013, 2014, 2016, 2017, 2019, 2020, 2021, 2022, 2024 және 2025 жылдары босанған. Балаларының барлығы аман-есен.
"Демографиялық тұрғыдан алғанда, бұл, әрине, жақсы. Бірақ дәрігер ретінде пациенттерге айтарым, әйел денесі қалпына келуі керек. Босану әйелден үлкен күш пен қаражатты талап етеді. Сондықтан босану арасындағы үзіліс кем дегенде екі жыл болуы керек. Осы уақыт ішінде дене қалпына келіп, тынығады", – дейді Епенова.
