Автобус жолаушылар пойызымен соқтығыса жаздады. Автобус жүргізушісі пойыз келе жатқан сәтте теміржол рельсіне шығып кеткен. Апат 7 маусым күні Тараз – Шу бағытына қарасты бөлігінде тіркелді, деп хабарлайды Azattyq Rýhy.
«Қазақстан темір жолы» ұлттық компаниясының мәліметінше, машинист шұғыл тежегіш жүйесін қосу арқылы соқтығысты болдырмаған.
ҚТЖ хабарлауынша, автобус күзетілмейтін реттелетін өткелге кенеттен кіріп кеткен. Қауіп туғызған бұл әрекетке қарамастан, автобус жүргізушісі оқиға орнынан жасырынған.
Қазіргі таңда бұл дерек құқық қорғау органдарына беріліп, қосымша тергеу амалдары жүргізіліп жатыр.
Қазақстанда мұндай жағдайлар сирек емес. Соңғы жылдары реттелмейтін өткелдерде көлік жүргізушілерінің салғырттығынан туындайтын оқиғалар жиі тіркелуде.
Теміржол ережелерін сақтамау – жолаушылар өміріне қауіп төндіретін маңызды факторлардың бірі.
«Машинист жолаушылар пойызын шұғыл тежеп үлгермегенде, ауыр апат орын алуы мүмкін еді»,– деп мәлімдеді ҚТЖ өкілдері.