Америкалық кәсіпкер Илон Маск АҚШ президенті Дональд Трамптың Калифорния губернаторы Гэвин Ньюсомнан кешірім сұрау талабын қолдады. Бұл туралы Azattyq Rýhy агенттігі EADaily-ге сілтеме жасап хабарлайды.
Дональд Трамп әлеуметтік желіде (Х платформасы) Калифорния губернаторы мен Лос-Анджелес мэрін халықтан кешірім сұрауға шақырды. Ол оларды қоғамдық тәртіпсіздіктер мен үздіксіз наразылықтарға жол берді деп айыптады.
Илон Маск Трамптың осы жазбасын ешқандай пікір жазбастан скриншот түрінде өзінің парақшасында жариялады. Одан он минут бұрын Маск тағы бір Трамп жазбасын – құқық қорғау органдарына Лос-Анджелесте тәртіп орнату туралы бұйрығы жайлы мәлімдемені репост жасап, екі АҚШ туы бейнеленген эмодзи арқылы қолдау білдірген.
Өткен аптада Маск пен Трамп арасында ашық жанжал болған. Оған себеп – Трамптың федералды шығындарды қысқартуға бағытталған заң жобасы. Маск оны «жиренішті» деп атап, «заң жобаны тоқтатуды» ұсынған.
Трамп жауап ретінде:
«Маск маған реніш білдірді, ал мен оған көп көмектестім», — деді.
Маск бұл пікірге:
«Дәл менің арқамда Трамп президент болып, республикашылар Конгресте жеңіске жетті», — деп мәлімдеді.
Сарапшылар не дейді?
Масктың бұл қадамы – АҚШ-тағы саяси шиеленістің жаңа кезеңі және алдағы президенттік сайлау алдындағы ықпал үшін күрестің бір бөлігі ретінде бағаланып отыр. Бұл Илон Масктың Трамппен қарым-қатынасына жаңа реңк беруі мүмкін.
