Қызылжарда есірткі жасайтын дәрілік заттар кедергісіз сатылып келген. Полицейлер тексеріс жұмыстарын жүргізіп, бірқатар олқылықты анықтады. Облыс орталығындағы бірнеше дәріхана психотроптық препараттар мен прекурсорларды рецептсіз сатып отырған. Сондай-ақ, оны сақтауда да біраз ағаттыққа жол берілген. Тексерістің нәтижесінде 8 дәріхана жауапқа тартылды.
ВАЛЕНТИНА ЖҰМАҒҰЛОВА, ҚАЛАЛЫҚ ПБ ЕСІРТКІГЕ ҚАРСЫ КҮРЕС БӨЛІМІНІҢ ҚЫЗМЕТКЕРІ:
Маусымның 13-16 аралығында Петропавлда “Дәрмек” жедел алдын алу шарасы ұйымдастырылды. Оның нәтижесінде 16 әкімшілік хаттама толтырылды. Дәріге қатысты ағаттық жібергендердің арасында екі аурухана да бар. Жалпы мұндай шаралар тоқсан сайын өткізіліп отырады.
