Сүйіктісін пышақтап өлтіріп, 25-қабаттан секіріп кетті. Астанада жантүршігерлік қылмыс болды. Күдікті бұл әрекетті балалардың көзінше жасаған. Артынша, өзін-өзі өлтірмек болғанымен, тірі қалды. Марқұм әйелдің 10 және 7 жастағы екі ұлы жетім қалды. Елордалық Полиция Департаменті адам өлтіру фактісі бойынша қылмыстық іс қозғады.
ЭЛЬМИРА ШӘУЛЕНОВА, ҚАЛАЛЫҚ ПД БАСПАСӨЗ ҚЫЗМЕТІНІҢ БАСТЫҒЫ:
Алдын ала мәліметтерге сәйкес, азаматтық некеде тұратын ер мен әйел арасында жанжал туындап, сол кезде ер адам әйелге пышақ жарақатын салған. Кейін ер адам тұрғын үйдің 25-қабатынан секіріп кеткен. Құлау салдарынан ол ауыр жарақат алып, медициналық мекемеге жеткізілді. Қазіргі уақытта оқиғаның барлық мән-жайын анықтауға бағытталған жан-жақты тергеу амалдары жүргізілуде. Басқа мәліметтер ҚР Қылмыстық-процестік кодексінің 201-бабына сәйкес жария етілмейді.
