Алматыда дүкеннің бүкіл кірісін ұрлаған күрделі үлгісі анықталды. Оның артында 30 жастағы Сұлтан Жүнісбай деген жігіт тұр, – деп хабарлайды Aiqyn.kz сайты.
Сұлтан Жүнісбай ұрлық пен алаяқтығы үшін бірнеше рет сотталған соң өмірін таза парақтан бастамақ ниетте Adili Mega Almaty дүкеніне сатушы болып орналасқан. Алайда көп ұзамай тексеріс кезінде сатылған тауардың 3 миллион теңгесі жетіспейтіні анықталған. Сөйтіп, ол жұмыстан шығарылып, шығынды өтейтін болып уағдаласқан.
Бірнеше күн өткен соң ол дүкенге сатып алушы ретінде оралып, тауар алар ниетте оны жан-жақты қарап, кассаның қасында біраз тұрған. Анықталғандай, сол уақытта ол дүкеннің POS-терминалын өз атына жазылған фирманың құрылғысына ауыстырып жіберген. Терминалдар бірдей көрінгендіктен, айырмашылығын ешкім байқамаған. Сөйтіп, бір жарым ай ішінде сатып алынған тауардың ақысы Жүнісбайдың шотына тікелей ағылды.
Adili желісінің басқа нүктелеріндегі саудасы жоспар бойынша жүріп жатқан. Тек бір кассада қалыпты сауда болмаған. Бұл сәйкессіздік есеп-қисапты тексеру барысында анықталған. Оған дейін ол дүкеннің 9 миллион теңге табысын жымқырып, жұмсап тастаған. Ол тіпті полициядан жасырынуға тырыспады. Керісінше, кінәсін толығымен мойындады.
Азамат Әбдірайымовтың төрағалығымен сот Сұлтан Жүнісбайды ең жоғары қауіпсіздік колониясына 7 жыл 3 айға үкім шығарды. Үкім әлі заңды күшіне енген жоқ.
