Индонезияда ұсталған екі қазақстандық өлім жазасына кесілуі мүмкін. Айта кетейік, өткен аптада екі отандасымыз 49 грам метамфетамин сатты деген күдікпен қамауға алынған еді. Алаңдауға негіз – Индонезия шетелдік азаматтарға бұл бап бойынша өлім жазасын кеседі. 2017 жылдан бері мораторий қойылғанымен, оның өзге ел азаматтарына қатысы жоқ. Әзірге екі қазақстандық туралы, толық ақпарат жариялай алмаймыз, - дейді еліміздің Сыртқы істер министрлігі. Алайда, туыстарына барлық қажетті көмек көрсетіліп жатқанын айтты ведомствоның ресми өкілі – Айбек Смадияров.
АЙБЕК СМАДИЯРОВ, ҚР СІМ РЕСМИ ӨКІЛІ:
Әрине, адвокат секілді қолдан келген көмекті көрсетіп жатырмыз. Бірақ, өкінішке қарай, біздің сотталған азаматтарды алмасу туралы Индонезиямен екіжақты келісіміміз жоқ. Оларға көмектесу үшін дипломаттар барлық күш-жігерін жұмсап жатыр. Жергілікті билікпен келіссөздер жүргізіп жатырмыз. Тағы басқа шаралар қолға алынуда. Туған-туыстарымен байланыстамыз. Алда сотты күтеміз. Соттың шешімі қандай болады, содан кейін көре жатармыз.
