Шілде айында елдің басым бөлігінде аптап ыстық болады, деп хабарлайды Astana TV.
"1-5 шілде аралығында Қазақстанның оңтүстігі мен оңтүстік-шығысында ауа температурасы түнде +15+22°С-тан +25+30°C-қа дейін көтеріледі. Күндіз +30+39°C-тан +40+46°C өте қатты ыстық болады деген болжам бар. Тек айдың соңғы он күнінде ыстығы қайтады", – делінген хабарламада.
Шілде айының екінші және үшінші онкүндігінде республиканың батысында, оңтүстігінде, оңтүстік-шығысында және орталығында ең ыстық күндері ауа температурасы +33+42°С, шеткі оңтүстікте +46°С дейін көтеріледі. Салдарынан осы аймақтарда өрт қаупі жоғары болмақ.
Республиканың солтүстік жартысы мен шығысында ауа температурасы түнде +15+23°C-тан +7+12°C-қа дейін, күндіз +32+39°C-тан +18+23°C-қа дейін ауытқиды деп күтіліп отыр.
