Түркістан облысында лауазымды шенеунік пара алу күдігімен ұсталды. Сыбайлас жемқорлыққа қарсы қызмет өкілдері облыстық Жер ресурстарын басқару департаментінің басшысын әшкереледі. Шенеуніктің әрекеті жасырын жүргізілген іс-шаралардың нәтижелері бойынша анықталған. Ол жер учаскелеріне мемлекеттік актілерді ресімдеуге жәрдемдескені үшін Түркістан қаласының тұрғынынан 1 млн теңге көлемінде пара алды деп күдікке ілікті. Ол соттың санкциясымен қамауға алынды.
