"Қазгидромет" РМК синоптиктері 6 шілдеге арналған ауа райы болжамын жариялады, деп хабарлайды Astana TV.
Оңтүстік, оңтүстік-шығыс және орталық өңірлерде антициклон ықпалымен құрғақ әрі ашық ауа райы сақталады.
Республика бойынша жел күшейеді, ал солтүстікте және шығыста дауылды жел соғуы мүмкін. Солтүстік-батыс және солтүстік аймақтарда түнде және таңертең тұман түсуі ықтимал.
Алматы облысында күндіз аптап ыстық болады – температура +35°C дейін жетеді.
