Мемлекет тұрақты жұмыс үшін ғана емес, су саласы мамандарының жайлы өмірі үшін де жағдай жасайды. Мәселен, «Отбасы банк» АҚ оның шеңберінде су саласының қызметкерлері жеңілдікті шарттармен тұрғын үй сатып алатын ипотекалық бағдарламаны іске қосты.
Бұдан басқа, «Дипломмен – ауылға» бағдарламасына жаңа мамандықтар қосылды: «Инженер-гидротехник», «Су ресурстары және суды пайдалану», «Мелиорация және жерді қорғау». Ауылға қоныс аударған мамандар үшін бюджеттік кредит мөлшері 7,8 млн теңгеге дейін ұлғайтылды.
Бұл тәсіл Жұмысшы мамандықтары жылының басты қағидатын көрсетеді – мамандардың кәсіпте қалуы және жергілікті жерлерде дамуын қамтамасыз ету үшін барлық жағдай жасау. Бұл – бір реттік шаралар емес, Еңбек адамының басымдыққа ие екенін растайтын қолдау жүйесі.
