«Яндекс Такси» Қазақстандағы алғашқы салық агенті. 2023 жылдың қыркүйегінен бері платформаға 86 мың адам тіркеліп, 4,3 млрд теңге салық төленген. Премьер-министр Олжас Бектенов «Яндекс Global» бас директоры Даниил Шулейко және Yandex Qazaqstan жетекшісі Тимур Шалекеновпен кездесті. Басқосуда цифрлық сервистерді дамыту, платформалық жұмыспен қамту және технологиялық жобалар сөз болды. Сондай-ақ, жасанды интеллект негізіндегі 1414 байланыс орталығы, жедел жәрдемді картада визуализациялау жобасы және басқа да жаңа бастамалар таныстырылды. Ал премьер-министр бірлескен жобаларды жүзеге асыру бойынша жауапты ведомстволарға тапсырма берді.
