«Жау жүрек мың бала» фильмінде батыр Сартайдың рөлінде танылған Асылхан Төлеповтің сахнадағы кейпі жұртты таңғалдырды, деп жазады Аikyn.kz
Әлеуметтік желілерде тараған бейнежазбада актердің сахнаға қызғылт жібек шорты киіп шығып, билеген сәті бейнеленген.
Көпшілік оны «Жау жүрек мың бала» фильмінде батыр Сартайдың рөлінде көріп, салмақты образбен танығандықтан, мұндай ерсі қимылдарын сынап тастады.
«Мақтап жүрген серілерің осы ма?», «Сахна мәдениеті деген қайда қалды? Масқара», «Бізге «Жау жүрек мың баладағы» Сартай батыр керек!», «Қазақ сахнасында ерсі көрінеді», «Сахнаны жын-ойнаққа айналдырды», «Сахнаның сәнін кетірді», - деп жазды олар.
