Елімізде тұрғын үй нарығындағы баға тағы да өсті. Жаңа пәтерлердің құны бір жылда 10 процентке, екінші деңгейлі баспаналар 7 процентке, ал жалға беру құны 9 процентке қымбаттаған. Мамырда байқалған бағаның төмендеуі маусымда жалғасқан жоқ. Баға ең көп өскен өңір – Павлодар. Мұнда жаңа тұрғын үйлер 29 пайызға қымбаттады. Алматы мен Шымкент те алғашқы үштікке енген. Екінші нарықта Ақтөбе көш бастап тұр – 18 процент өсім. Орташа баға бойынша ең қымбат пәтерлер Алматыда – жаңа үйлердің шаршы метрі 647 мың теңгеден асады. Астанада – шамамен 594 мың. Ең арзан баспана – Оралда. Ал жалға беру нарығында ең қымбат қала – тағы да Алматы. Бір шаршы метр – 5275 теңге. Астанада – 4966, ал ең қолжетімді жалдау – Таразда: шаршы метріне небәрі 2265 теңге.
