Павлодарда 2016 жылы туған бала көпқабатты үйдің үшінші қабатындағы ортақ балконнан құлап кетті, деп хабарлайды Astana TV.
Бала арнайы білім беру қажеттілігі бар балалар санатына жатады.
Бұл туралы Павлодар облысының балалар құқықтары жөніндегі уәкілі Сәуле Шакенова мәлімдеді. Қазір бала Павлодар облыстық балалар ауруханасына жеткізіліп, ондаған жарақат пен сынған жерлер анықталды.
Уәкілдің айтуынша, жыл басынан бері Павлодар облысында 10 бала терезеден немесе балконнан құлап кеткен. Қазір травматология бөлімінде 2016 және 2023 жылы туған екі бала ауыр жағдайда ем қабылдап жатыр.
