Қызылорда қалалық білім бөлімінің бұрыңғы басшысына 3 жыл мерзімге жаза кесілді. Қалалық соттың мәліметінше, ол мемлекеттік функцияларды орындауға уәкілеттілік берілген адам бола тұра сыбайлас жемқорлық санатындағы қылмыс жасаған. Қарамағындағы қызметкерінің жеңгесін жұмысқа орналастырғаны үшін 1 млн теңге пара сұраған. Оның 500 мың теңгесін қолма қол алған. Ал қалған бөлігін үйіне әкеліп беруді сұраған. Тексеру кезінде қаражат сотталушының үйіндегі сейфтен табылған.
ЖҰЛДЫЗ ЖӘКЕЕВА, ҚАЛАЛЫҚ СОТТЫҢ СУДЬЯСЫ:
Жасырын тергеу әрекеттеріне сәйкес, куәлердің жауаптарымен дәлелденіп, қазіргі таңда айыпты деп белгіленіп отыр. Мемлекеттік функцияларды атқаратын мекемелерге өмір бойына қызмет атқару құқынан айыра отырып, мүлкін тәркілеусіз 3 жыл бас бостандығынан айыру жазасы тағайындалып, жазасын қылмыстық арқару жүйесінің қауіпсіздігі орташа мекемелерді өтеу белгіленіп отыр.
