Алматыда вейп сатқан заңсыз топ ұсталды. Олар телеграм арнасы арқылы жасырын жұмыс істеген. Тінту кезінде 150 мыңнан астам вейп тәркіленді. Мамандардың мәліметінше, бұл заңсыз тауардан түсетін табыс 1 миллиард теңгеден асады. Ең сорақысы, тәркіленген өнімдердің бір бөлігі мектеп оқушыларына дейін жеткен.
САЛТАНАТ КӨШЕРБАЕВА - ҚР ҚМА БАСҚАРМА БАСШЫСЫ
Тыйым салынған өнімді сату Telegram мессенджерінде «ESCOBAR OPTOM» атауымен жүргізіліп, курьер арқылы жеткізіліп отырған. Көлеңкелі бизнестің ұйымдастырушылары жасөспірімдерге жеткізіп, олардың денсаулығына айтарлықтай қауіп төндірген.
