Жаңа оқу жылының басталуына санаулы күн қалған сайын, ата-ананың уайымы арта түседі. Мектеп формасы, оқу құралдары, аяқ-киім тағысын тағы... Төрт баласын бірдей киіндіремін деп жәрмеңкеге асыққан Түркия Нұрсипаттың мұндағы бағаны көріп көңілі түсіп кетіпті. «Арзанын алсаң – сапасы нашар, сапалысын тапсаң – қымбат»,- дейді.
ТҮРКИЯ НҰРСИПАТ, ҚАЛА ТҰРҒЫНЫ:
Жылда, жылда солай ғой, әсіресе мектеп таяған кезде тіпті өрлетіп алады ғой бағаны. Бізге оңай емес, екі түрлі киім аламыз ғой, спортқа бір бөлек, ДШ-ға бір бөлек. Бір баламды 100 мыңның айналасында киіндіремін, төрт балама 400 мың кетеді деген сөз.
Ал, сатушылар сапасы жоғары әрі бағасы төмен форманың түр-түрін сатудамыз деп сендіреді.
ШЫНАР ҚАНАТ, САТУШЫ:
Тоже күшті дизайндалған. Ішінде ручка, мындай нелермен жасалған. +неше күнде өтіп жатыр осы тройкалар.
НҰРИСЛАМ САКИЕВ, САТУШЫ:
Қазақстандық өндірушілерден аламыз, бірақ қатты қымбат болып кетеді. Бағасымен сәйкес болып келмейді. Качествосы жақсы, бірақ бағасына қолжетімсіз.
Баға былтырға қарағанда қымбат. Жаңа жиынтықтың орташа құны 7 000 теңгеден 8 000 теңгеге дейін көтерілген. Яғни, 14% артты.
Ал аяқ киімнің бағасы өткен жылғы 5 600 теңгемен салыстырғанда 6 000 теңгеге жетті. Өсім – 7%.
Оқушы киімдерінің дені сырттан жеткізіледі. Әсіресе Бангладеш, Қырғызстан, Түркия, Ресей, Қытайдан жеткізілетін мектеп формасына сұраныс артып тұр. Отандық өндірушілердің сұранысты жабуға әл-ауқаты бар дейді жауаптылар. Әрі импорттық өнімдермен бәсекеге қабілетті. Бірақ, нарықтағы бағаны реттеу оңай болмай тұрған сияқты.
БОЛАТ БОРАНБАЯТ, ҚР ӨНЕРКӘСІП ЖӘНЕ ҚҰРЫЛЫС МИНИСТРЛІГІ КОМИТЕТІНІҢ БАС САРАПШЫСЫ:
Импорттық өндірушілердің баға көрсеткіштері отандық өндірушілерден қарағанда сәл арзандау болуы мүмкін. Бірақ, дей тұрғанымен сапа көрсеткіштері , өзіңіз білесіз бізде климаттық жағдай әртүрлі. Мақта тығыздығына, түсті гаммаларға , жергілікті аймақтардың температуралық жағдайларына, талаптарға сәйкес отандық өндірушілер кепілдік бере алады. Одан бөлек жеткізу жылдамдығы тезірек болады.
Биыл қазақстандық оқушылар үшін мектеп формасында айтарлықтай өзгеріс жоқ. Талап бір- қара немесе қою-көк түсті киім, ақ жейде. Ал, баласына қандай киім алып беруді әр ата-ана бағасына сай өзі шешеді.
