Жаза үстіне жаза арқалады. Экстремистік әрекеттерге шақырғаны үшін былтыр бас бостандығынан айырылған Шымкент тұрғыны түзеу мекемесінде отырып та бұл әрекетін тоқтатпаған. Сотта анықталғандай, ол биыл сәуір- мамыр айларында № 54 түзеу мекемесінің аумағында жасырын жиындар жасап, экстремистік ұйымның көзқарастарына жататын радикалды жазбаларды оқып беріп, жиынға қатысушыларды азғырып көндірген. Сотталушы кінәсын мойындап, өзіне жеңіл жаза сұраған. Сот оған 8 жыл 6 ай бас бостандығынан айыру жазасын кесті. Үкім заңды күшіне енген жоқ.
