2025 жылғы 1 тамыздағы жағдай бойынша Еңбек шарттарын есепке алудың бірыңғай жүйесінде 15,6 млн шарт тіркелген, оның 6,2 миллионы белсенді, хабарлайды Astana TV.
Биыл 1,9 млн шарт тіркелсе, 31 мыңы HR Enbek порталы арқылы электронды түрде жасалған.
Портал функционалы кеңейіп, жұмыс берушілер ұжымдық шарттарды онлайн тіркеп, жазатайым оқиғалар туралы хабарлай алады (103 жағдай тіркелген). Қазіргі уақытта жүйеде 8 мыңнан астам ұжымдық шарт бар.
Қызметкерлер портал арқылы еңбекке жарамсыздық парақтарын қарап, жұмыс берушіге жібере алады (25,3 мың парақ жіберілген). Сонымен қатар, 42 кәсіподақ тіркелген: 15 жергілікті, 6 бастапқы және 21 салалық.
