Астанада Конституцияның 30 жылдығына арналған халықаралық конференция өтті. Жиында конституциялық тәртіптің тұрақтылығы, тиімді құқық қолдану және қоғамдық қауіпсіздік, құқықтық нигилизмнің алдын алуға және құқықтың үстемдігін қамтамасыз етуге байланысты тақырыптар көтерілді. Сондай-ақ, ел дамуына үлес қосқан бірқатар азамат «Қазақстан Республикасының Конституциясына 30 жыл» мерекелік медалімен марапатталды. Олардың қатарында Конституциялық Соттың судьялары, Конституциялық Сот жанындағы Ғылыми-консультативтік кеңестің мүшелері, университет ұстаздары бар.
ЖАНАР ТЕМІРБЕКОВА, Қ.А.ЯСАУИ АТЫНДАҒЫ ХАЛЫҚАРАЛЫҚ ҚАЗАҚ-ТҮРІК УНИВЕРСИТЕТІНІҢ РЕКТОРЫ:
Еліміздің ең маңызды мерекелерінің бірі Конститция күні қарсаңында, оның мерей тойы қарсаңында, осындай Президентіміздің арнайы жарлығымен шыққан мараптты алу ол өте үлкен қуаныш. Шынымды айтсам тосын сый болды.
