Шымкентте полиция қызметкері көлікпен адам қағып кетті. Салдарынан әйел адам сол жерде жан тапсырды. Полиция департаментінің дерегінше, полицей жеке автокөлік тізгінінде болған. Әйел адам ағаштар арасынан кенеттен жүгіріп шығып, белгіленбеген жерден жолды кесіп өтпек болыпты. Қазір аталған жайт бойынша қылмыстық іс қозғалды.
ҚАЛАЛЫҚ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
Алдын ала мәліметтерге сәйкес, жүргізуші тарапынан жол қозғалысы ережелерін бұзу анықталмады: ол масаң күйде болмаған және жылдамдық режимін сақтаған. Қазіргі таңда кешенді тергеу іс-шаралары жүргізілуде. Оның қорытындысы бойынша процессуалдық шешім қабылданатын болады.
