Бүгін алматылық 200 оқушы мектепке қажетті құрал-сайманмен қамтамасыз етілді. Жаңа оқу жылы қарсаңында Конституцияның 30 жылдығына орай «AMANAT» партиясы «Бақытты отбасы» жобасының
«Баланы мектепке дайындайық!» қайырымдылық акциясының мақсаты – құрал-жабдықтар арқылы балаларға қуаныш сыйлап, оларды білім мен ғылымға ынталандыру. Сөмкеде қаламсап, қарындаш, дәптер, бояулар, ермексаз бен шығармашылық дәрістерге қажетті түрлі жабдық бар. Биыл қала бойынша 2 мыңға тарта отбасыға осындай әлеуметтік көмек көрсету жоспарланған. Одан бөлек, бүлдіршіндерге арналған сахналық қойылымдар да оқушыларға ерекше көңіл күй сыйлады.
СТАНИСЛАВ КАНКУРОВ, «AMANAT» ПАРТИЯСЫ АЛМАТЫ ҚАЛАЛЫҚ ФИЛИАЛЫНЫҢ ТӨРАҒАСЫ:
Бұл акция 2010 жылдан бастап үздіксіз жүзеге асырылып жатыр. Партия белсенді мүшелерінің қолдауымен, кәсіпкерлердің қолдауымен біз 15 жылдың ішінде біз 30 мыңға жуық балаға осындай көмек көрсеттік.
Алматы облысының жеткіншектері де қайырылымдылық акциясының кәде-сыйынан құр қалмады. Ата-анасының қамқорлығынсыз қалған, тұрмысы төмен бүлдіршіндерге мектеп формасы мен кеңсе тауарлары табысталды.
АЛМАСБЕК СӘТІБАЕВ, «AMANAT» ПАРТИЯСЫ ІЛЕ АУДАНДЫҚ ФИЛИАЛЫНЫҢ ТӨРАҒАСЫ:
Бүгінгі акцияға біздің ауданымызда 14 бастауыш партия ұйымы болатын болса, сол бастауыш партия ұйымындағы балаларды қамтып, 500-ге жуық баланы қамтып отырмыз.
