Атырауда «AMANAT» партиясы «Жастар рухы» жастар қанатының ұйымдастыруымен бос жұмыс орындары жәрмеңкесі өтті. Өңірдегі 50-ден астам мекеме 500-ге жуық жұмыс орнын ұсынды. Мұнай-газ химиясы саласындағы компаниялар инженер, механиктерге сұраныс берсе, құрылыс, электр, жылумен қамту, халыққа қызмет көрсету мамандарына да вакансия көп. Еңбек жәрмеңкесіне екі мыңдай адам келді. Жұмысшы мамандықтарды дәріптеп, жастар арасындағы жұмыссыздықты азайту мақсатында мұндай шаралар алдағы уақытта да жалғасады,-дейді ұйымдастырушылар.
НҰРБЕРГЕН ОЙЛЫБАЙ, ҚАЛА ТҰРҒЫНЫ:
2024 жылы Х.Досмұхамедов атындағы Атырау университетін тәмәмдаған болатынмын, “стандарттау, метрология және сертификаттау” мамандығы бойынша. Қазір жұмыссыз болуыма байланысты осында келіп отырған жайым бар. Өзіме әзірге 2 компания менің түйіндемемді алып қалған болатын. Хабарласамыз деді.
АБДОЛЛА ІДІРІСОВ, «AMANAT» ПАРТИЯСЫ АТЫРАУ ОБЛЫСТЫҚ ФИЛИАЛЫНЫҢ ТӨРАҒАСЫ:
Мына 51 компанияның соңында есебін аламыз. Қанша резюме алды? Содан кейін сол резюме бойынша Мансап орталығымен бірлесе отырып, олардан осы алған резюмеден қанша жастарды жұмысқа алды? Соның есебін шығарып отырамыз. Алдағы уақытта да тұрақты ұйымдастырамыз деген жоспарымыз да бар.
