Түркістан облысы Сауран ауданында психоневрологиялық аурулары бар балаларға арналған оңалту орталығы ашылды. 50 орындық ғимарат - «AMANAT» партиясының Сайлауалды бағдарламасын іске асыру жөніндегі Жол картасына енген әлеуметтік маңызды нысан. Мұнда 3 пен 18 жас аралығындағы тірек-қимыл аппараты бұзылған балаларға арнайы қызмет көрсетіледі. Сондай-ақ, жартылай стационарда күндізгі бөлімге осы аумаққа жақын аудандардан 30 бала қабылданбақ. Жаңа орталық жатын бөлмелермен, жеке және топтық оңалту сабақтарына арналған кабинеттермен толық қамтылған. Емдік дене шынықтыру залы, психолог, психиатр, невролог, логопед кабинеттері, физиотерапия блогы және асхана да қарастырылған. Облыста 101 мыңдай мүмкіндігі шектеулі азамат тұрса, соның 15 400-і бала.
ФАРИЗА ӘЛІБАЕВА, АТА-АНА:
Менің қызымда ДЦП, бізге негізінен ЛФК керек. Бұл жерде ЛФК мамандары жақсы жұмыс жасайды негізі. Үш ай демалыс кезінде біз платный аламыз, ал осында келгеннен кейін ең жақсысы сабақтан кейін алады оны.
ҚАЛЫЙМА ЖАНТӨРЕЕВА, «AMANAT» ПАРТИЯСЫ ТҮРКІСТАН ОБЛЫСТЫҚ ФИЛИАЛЫ АТҚАРУШЫ ХАТШЫСЫНЫҢ ОРЫНБАСАРЫ:
2022 жылы мен депутаттық сауал жолдаған болатынмын. Осы 3 млрд 300 млн теңге осы орталықтың ғимаратын салу үшін қажет деп, сол енді орындалып, содан бері партияның бақылауында болып, жұмыс атқарылып жатыр.
