Әлемде сирек кездесетін лотос гүлін тамашалауға Атырау облысына бір айда он мыңнан астам турист келді. Мамандардың айтуынша, оның 20 пайызы - шетелдіктер. Қиғаш өзенінің сағасында өсетін ерекше су гүлін насихаттау үшін мәдени-туристік фестиваль ұйымдастырылды. Өзен жағалауы абаттандырылып, жылжымалы қарау алаңдарын орнатты. Еліміздің туристендіру картасына Ортағасырлық Сарайшық кешені енген. Одан өзге өңірлік 5 туристік орын бар. Соңғы кездері өндірістік туризм мен агроауыл туризміне де қызығушылық жоғары,- дейді мамандар.
ДИНАРА ТОҚСАНОВА, ОБЛЫСТЫҚ ДЕНЕ ШЫНЫҚТЫРУ, СПОРТ ЖӘНЕ ТУРИЗМ БАСҚАРМАСЫНЫҢ БАС МАМАНЫ:
Туристік инфрақұрылымды дамыту және туристік нысандарға барар жолдарды жақсарту мақсатында облыста Лотос алқабына, Нарын құмдарына барар Атырау-Астрахань республикалық автожолы,Махамбет ауданындағы орта ғасырлық Сарайшық қалашығына 13 шақырымға жол салу, Жылыой ауданындағы “Ақмешіт” қорымына 62 шақырымға жол салу секілді бірнеше жобалар жүзеге асуда.
