Атырау облысында мектепке дейінгі білім беру ұйымында алғаш рет инклюзивті қолдау кабинеттері ашылды. Өйткені аймақтағы ерекше білім беруді қажет ететін әр төртінші бала - мектеп жасына жетпеген. №29 «Нұрсая» бөбекжай-балабақшасындағы инклюзивті кабинеттер заманауи құрал-жабдықтармен қамтамасыз етілген. Мұнда логопед, психолог, дефектолог және емдік дене шынықтыру мамандары жұмыс істейді. Сондай-ақ, әр балаға арнайы оқыту әдістемелері, бейімделген бағдарламалар қолданылып, психологиялық қолдау көрсетіледі. Айта кетейік, аймақта 8 мыңға жуық ерекше білімді қажет ететін бала бар. Оның 2500і-і әлі мектепке дейінгі жаста. Елімізде арнайы білім беру орындары екі есе артқан.
ЛАУРА МЕҢДІҒАЛИЕВА, ОБЛЫСТЫҚ БІЛІМ БЕРУ БАСҚАРМАСЫ БАСШЫСЫНЫҢ ОРЫНБАСАРЫ:
Ерекше балаларды қолдау, өздеріңіз білесіздер ерте анықталған жағдайда оған жазылуы жоғары, балалардың қалыпқа келуі, әлеуметтеу мүмкіндігі жоғары. Сондықтанда біз бұл бастаманы жалғастырамыз.
