Елімізде колледждермен әріптестік орнатқан кәсіпорындар саны артты. Бұл-жұмысшы мамандық бағытында оқып жатқан шәкірттер жұмыссыз қалмайды деген сөз. Қостанай автомобиль көлігі колледжі өңірдегі ірі өндірістік кәсіпорындармен әріптестік орнатқан. Оқу орынында 1500-ге жуық бала оқиды. Колледжде мақсатты топтар бар.Яғни меморандум шеңберінде белгілі бір кәсіпорынға қажетті мамандар оқытылады. Олар өндірістік практикадан өтіп, оқу бітірген соң жұмысқа қабылданады.
АРСЕН ҚАРЫМСАҚОВ, СТУДЕНТ:
Біздің колледж сол компаниялармен келісім-шартқа отырған. Мысалы біз осы оқуды бітіріп, сол компанияда жұмыс істей аламыз. Жақсы ақша тауып және де сол жерде тағы оқуымызды жетілдіре аламыз мамандығымыз бойынша.
ЕЛДИЯР АЗБЕРГЕНОВ, КОЛЛЕДЖ ОҚЫТУШЫСЫ:
Біздің колледж Қазақстан бойынша бүкіл ірі өнеркәсіптермен жұмыс істеп жатыр.Көбінесе машина жасау зауыттарымен жұмыс істеп жатыр және біздің студенттеріміз жалпы 3 курстан бастап, осы өнеркәсіптерде жұмысқа тұрып жатыр.Одан кейін оқуды аяқтағаннан кейін кәдімгі дайын маман ретінде жұмысқа орналасады.
