Солтүстік Қазақстан облысының Смирново ауылындағы №9 өрт бөлімінің қызметкері Парсахан Алдияров ерекше рекорд орнатты, ол жалпы салмағы 70 тонна болатын үш теміржол вагонын жалғыз өзі сүйреді. Өрт сөндіруші бұл әрекетін Төтенше жағдайлар министрлігінің мерейтойына арнады.
Өрт сөндіруші-жүргізуші Парсахан Алдияров министрліктің 30 жылдық мерейтойына орай ол теміржол бойымен әрқайсысы 23 тонна болатын үш вагонды жалғыз өзі тартты.
Өз сөзінде Алдияров физикалық тұрғыдан ғана емес, моральдық жағынан да мықты болу маңызды екенін айтты:
«Құтқарушы өрттер мен табиғи апаттарға тиімді қарсы тұру, адамдарды қорғау және құтқару үшін ерекше физикалық формада болуы керек. Әр адам өз мамандығында үнемі дамып, өз жұмысымен мақтана алатындай деңгейге жетуі тиіс», – деді Алдияров.
Әріптестері оның рекордын күш, төзімділік пен кәсіби адалдық символы деп атап өтті.
