«Қазгидромет» мәліметінше, ел аумағы арқылы атмосфералық фронттар өтуде, сондықтан көптеген өңірлерде жаңбыр жалғасады, батыс пен оңтүстікте найзағай ойнайды, деп хабарлайды Astana TV.
23 қыркүйекте шығыста, 23-24 қыркүйекте елдің оңтүстік-шығысында қатты жаңбыр жауады. Таулы аймақтарда түнгі уақытта жаңбыр қарға ұласуы мүмкін.
Жалпы республика бойынша желдің күшеюі, түнгі және таңертеңгі сағаттарда тұман болжанады. Сонымен қатар күндізгі температураның біртіндеп 20-28 градусқа дейін, шығыста 10-15 градустан 15-25 градусқа дейін жылынуы күтіледі.
