Атырауда қыздар арасындағы жанжал жұрттың жағасын ұстатты. Колледж студенті танысын дымын қалдырмай тепкілеп тастады. Қыз баланы бас-көзге қарамай төмпештеп жатқанын сол жердегі куәгерлер видеоға түсіріп алған. Екеуі де қаладағы Сервис колледжінің студенттері болып шықты. Зардап шеккен қыз балаға ауруханаға жеткізіліп, дәрігерлер ем-домынан соң үйіне жіберілген. Полиция тергеу бастады. Жасөспірімдер профилактикалық есепке қойылған.
ЖАНДОС САДЫРОВ, ҚАЛАЛЫҚ ПОЛИЦИЯ БАСҚАРМАСЫ №1ҚПБ БАСТЫҒЫ:
Құқық бұзушылыққа жол берген екі жасөспірім қыз анықталып, полиция бөлімІне жеткізілді. Қазіргі таңда күдікті жасөспірімді бейімдеу орталығына орналастырылды. Ұрып-соғу дерегі қылмыстық іс тіркеліп, кешенді тергеу амалдары жүргізілуде. Өзге ақпарат тергеу мүддесіне сәйкес жариялауға жатпайды.
