Ақтөбеде көпсалалы колледж студенттері мен олардың ата-аналары наразылық білдірді. Себеп- оқу ақысының тағы қымбаттауы. Колледж әкімшілігі «бағаны көтермейміз» деп уәде берген. Алайда соңғы курста оқу ақысын өсіріп жіберген.
САОДАТХАН МЫРЗАБАЕВА, АТА-АНА:
1-курста түскенімізде 200 мың болды.2-курсқа келгенде тағы үстіне қосты. 3-курсқа келгенде тағы сол 100 мыңнан қосып отырды. Енді сол 3-курста 400 мыңға көтерді. Жақсы дедік. Енді міне 4-курс болғанымызда бір 100 мың емес, 150 мыңды үстіне қосып жіберіп тұр.
ДАРХАН БАЗАРБАЕВ, АТА-АНА:
150 мың теңге қосып отқан деген енді ол біздер соңғы курс болғандықтан енді осылай бұрынғы сомамызды қалдыруды өтінеміз.
Ал колледж басшылығы оқу жылы басталмай тұрып ата-аналарды ескерткенін, келісімшартта бәрі көрсетілгенін айтады. Оқу ақысының көтерілу себебін мұғалімдердің жалақысын арттырумен түсіндіріп отыр.
ГҮЛНАЗ ОРЫНТАЙҚЫЗЫ, «БОЛАШАҚ» КӨПСАЛАЛЫ КОЛЛЕДЖІ ДИРЕКТОРЫНЫҢ ОРЫНБАСАРЫ:
Нарық заманына сәйкес біз де мұғалімдердің зарплатасын көтерілгесін және ол жеке колледж болғасын оқу ақысын көтергеніміз рас.
