Атысты тоқтату туралы келісімнің бірінші кезеңіне сәйкес Израиль әскері шығарылғаннан кейін мыңдаған палестиналық үйлеріне орала бастады, деп хабарлайды Reuters.
Адамдар легі солтүстікке қарай, анклавтың ең үлкен қалалық аймағы саналатын Газа қаласына қарай бет алды.
Израиль қорғаныс күштері (IDF) газалықтарды тек рұқсат етілген бағыттар бойынша жүруге шақырады.
Палестина денсаулық сақтау билігінің хабарлауынша, медициналық топтар Израиль әскерін шығарғаннан кейін Газа секторындағы аймақтардан 100 адамның денесін алып шыққан.
Газа секторындағы Израиль мен Палестина күштері арасындағы атысты тоқтату келісімі 10 қазанда күшіне енді.
Келісім күшіне енгеннен кейін 72 сағат ішінде тірі және өлі израильдік кепілге алынғандар босатылады.
Өз кезегінде Израиль өмір бойына бас бостандығынан айырылған 250 палестиналық тұтқынды, сондай-ақ соғыс кезінде түрмеде отырған қосымша 1700 газалықты босатуы керек.
Келісімге сәйкес, Израиль күштері күшіне енгеннен кейін 24 сағат ішінде Газа секторының бірнеше аймағынан («Сары сызық» деп аталатын) шығуы керек.
