Ақтөбеде «"АМАNАТ" партиясы мен облыстық білім басқармасының ұйымдастыруымен "Тең мүмкіндіктер" фестивалі өтті. Биыл шара 140 тан астам баланың басын қосты. Бұл - әдеттегідей жарыс емес, жүрек жылуын біріктірген үлкен мереке. Трибуна көрерменге толы, ал алаңда жеңістен үмітті, қуаныштан жүздері бал-бұл жанған балалар. Үздік өнер көрсеткен қатысушылар республикалық «Тең мүмкіндіктер» фестиваліне жолдама алды. Енді олар бочча спорт түрінен облыс намысын қорғамақ.
РАЙЫМБЕК БЕРҒАЛИН, АТА-АНА:
Өзінің мүмкіндігі шектеулі екенін ұмытады бір сәтке болса да. Өте керемет инклюзивті спорттық ұйымдастыру. Бұл жалғасын таба береді деген үміттеміз.
КҮЛПАРШЫН АЙДАРХАНОВА, ОБЛЫСТЫҚ МӘСЛИХАТ ДЕПУТАТЫ:
Барлық балаларды қайырымдылыққа шақырады. Достыққа шақырады, білім алуға шақырады, сүйіспеншілікке шақырады деп ойлаймын. Тең болу керек балалардың білім алып жатырғанда. Сондықтан осындай шаралар көп болғанын қалаймын.
