Мемлекет басшысы "Бейжің Тіл және мәдениет" университетінің президенті Дуань Пэнді қабылдады. Президент Астанада ашылатын университет филиалы қазақ-қытай ынтымақтастығының жоғары деңгейін және гуманитарлық байланыстың нығаюын көрсететінін атап өтті. Кездесуде жасанды интеллект технологияларын дамыту, ғылым-білім саласындағы ықпалдастық және білікті қытайтанушы-лингвистерді даярлау мәселелері талқыланды.Дуань Пэн қолданбалы лингвистика және цифрлық оқыту салаларында бірлескен жобаларды іске асыруға дайын екенін жеткізді.
