Бангладеш
билігі 100 мың рохинджалықты су тасқынынан көз ашпайтын елсіз аралға
қоныстандырмақ. Ол - Бенгал шығанағындағы Тенгар Чар аралы. Америкалық СNN телеарнасы бұл жоспар мақұлданғанын хабарлады. 2019 жылдың қарашасына дейін
іске асуы тиіс жоспар билік үшін 278 млн долларға түспек. Жуық арада елсіз
аралда құрылыс басталмақ. Бірақ халықаралық құқыққорғау ұйымдары босқындарды
қоныстандыру жоспарын сынға алды. Алайда, Бангладеш билігі зерттеу жүргізіп,
арнайы жұмыстар жүргізілсе, елсіз аралға адам қоныстандыруға болатынын
дәлелденді деп отыр. Жағалауды бекітіп, арнайы қондырғымен су тасқынының алдын
алуға болады деген шешімге келген. Жоспар бойынша аралда 1,5 мың барак тектес
үй мен 120 босқындар орталығы тұрғызылмақ.
Айта кетейік, 620 мыңға жуық
рохинджалық Мьянмадан Бангладешке ауған болатын. Бұған Ракхайн штатындағы жылдар
бойы созылған мұсылмандар мен бирмандықтар арасындағы қақтығыс себеп.
