Алдағы күндері Қазақстанның басым бөлігінде ауа райы тұрақсыз болады,-деп хабарлайды Astana TV.
«Қазгидромет» болжамына сәйкес, атмосфералық фронттардың өтуіне байланысты жауын-шашын жаңбыр мен қар түрінде түседі.
Ал солтүстік, орталық және шығыс өңірлерде қарлы боран соғып, көктайғақ болады.
Тек еліміздің оңтүстік-батысында, оңтүстігінде, сондай-ақ 22 қарашада батыс пен солтүстік-шығыста ауа райы жауын-шашынсыз болады.
Республика бойынша жел күшейіп, тұман түседі.
