Астана қаласындағы №111 жалпы орта мектебінің 5-сынып оқушысы Әлихан Төлебай ардуино негізіндегі «Ақылды шлагбаум» ойлап тапты, деп хабарлайды Astana TV.
Қазіргі кезде көлік қозғалысын тиімді басқару – үлкен қалалар мен білім беру мекемелері үшін маңызды міндеттердің бірі.
Сондықтан бұл ақылды шлагбаум – уақытты үнемдеп, қауіпсіздікті арттырып, технология дамуының негізгі бағыты.
Осыған орай Әлихан Төлебай өз қолымен инновациялық әрі пайдалы жоба құрастырып шығып, көлік жақындағанда өзі ашылатын «Ақылды шланбаум» жобасын таныстырды.
Оның ерекшелігі шлагбаумға көлік жақындаған сәтте жүйе оны автоматты түрде таниды және кедергіні көтеріп, жүргізушінің бөгетсіз өтуіне мүмкіндік береді. Бұл оқу орны ауласына, тұрақтарға және жеке аумақтарға кіруді бақылауда өте тиімді шешім, – дейді оқушы.
