Мемлекеттік кеңесші Ерлан Қариннің төрағалық етуімен Президент жанындағы Азаматтық мәселелері жөніндегі комиссияның кезекті отырысы өтті. Жиында Қазақстан азаматтығына қабылдау және одан шығару мәселелері қаралды. Мемлекеттік кеңесші кейінгі 7 жылда азаматтықтан шығуға берілген өтініштер саны 25 есе азайғанын айтты. Бұл Қазақстан азаматтығы институтының абырой-беделі артып келе жатқанын көрсетеді. Елдегі саяси, әлеуметтік-экономикалық жағдай мен Мемлекет басшысының реформалары тұрғындарға зор сенім ұялатып отыр.
