Мектептің бас есепшісі 51 млн теңге қаржыны жымқырған. Ол жымысқы әрекетін мұғалімдермен бірге жүзеге асырған. Қызылорда облысы Қармақшы ауданы Ақай ауылындағы заңсыздықты облысы бойынша Экономикалық тергеп-тексеру департаменті анықтады. Есепші 6 мұғалімге жалған алдын ала төлем жіберіп, оны өзара бөлісіп отырған. Қаржыны аударуға мектеп директордың электрондық цифрлық қолтаңбасын пайдаланған. Ал 2 жыл бойы жасалған қылмысты жасыруға бухгалтерлік бағдарламаға жетекшілік ететін жеке мекеме қызметкері көмектескен. Аталмыш дерекке қатысты, білім ордасының директоры қатаң сөгіс алды.
БАУЫРЛАН ҚОНАҚ, ОБЛЫС БОЙЫНША ЭКОНОМИКАЛЫҚ ТЕРГЕП-ТЕКСЕРУ ДЕПАРТАМЕНТІ БАСҚАРМАСЫНЫҢ АҒА ТЕРГЕУШІСІ:
Сот нәтижесінде бас есепші 7 жылға бас бостандығынан айыру жазасы тағайындалды. Сыбайластарына қатысты шартты түрде жаза тағайындау жазасы белгіленді. Қазіргі таңда сот барысында мемлекетке келтірілген 50 918 000 теңгенің, 8 млн 421 000 теңгесі өндірілді. Қалған қаражаттарды өндіру бойынша жұмыстар атқарылуда.
