Алматы облысының Қонаев қаласында медициналық университет бой көтермек. Жобаға қатысты барлық құжат дайын.
ЖОО салу үшін Қапшағай су қоймасына жақын аумақтан 100 гектар жер бөлінген. Инвестиция көлемі - 3 млрд АҚШ доллары. Кешеннің жалпы аумағы 1,3 млн шаршы метрден асады.
Құрылыс 5 жылға созылады. Университет жанынан 1000 орындық емхана мен аурухана, ғылыми-зерттеу орталығы, мектеп, балабақша және қонақ үй салынады.
Нәтижесінде 8 мыңнан астам жұмыс орны ашылады деп жоспарланған.
