Президенттің бір палаталы Парламентке көшу туралы бастамасы саяси жүйенің институционалды базасын нығайтуды көздейді. Әрі қоғамның сұранысы мен заман талабына сай саяси реформалардың жүйелі жалғасы. Саясаттанушы Аман Мәмбітәлі осылай дейді. Мемлекет басшысы Қазақстан халқына арнаған Жолдауында саяси жүйенің ауқымды реформасы туралы бастама көтерді. Бұл реформа Қазақстанның саяси жаңғыруының келесі кезеңі ретінде қарастырылады және «Күшті Президент – ықпалды Парламент – есеп беретін Үкімет» формуласын нығайтуға бағытталған.
АМАН МӘМБІТӘЛІ, САЯСАТТАНУШЫ:
Президенттің бір палаталы Парламентке көшу туралы бастамасы саяси жүйенің институционалды базасын нығайтуды көздейді.Елдің болашағына тікелей әсер ететін мұндай маңызды институционалдық өзгерістерді жалпыұлттық референдум арқылы шешуі тиіс.
