«Қазгидромет» РМК алдағы үш күнге арналған ауа райы болжамын ұсынды. 29-31 қаңтар аралығында Қазақстан аумағының басым бөлігі кең ауқымды антициклонның ықпалында болады. Елдің көп өңірінде жауын-шашынсыз ауа райы күтіледі деп болжайды синоптиктер.
Синоптиктердің болжамынша, батыс, оңтүстік және оңтүстік-шығыс өңірлер атмосфералық фронтальды бөлімдердің әсерінде қалып, жаңбыр мен қар түріндегі жауын-шашын жауады. Сондай-ақ төменгі боран мен көктайғақ күтіледі.
Таулы аймақтарда 31 қаңтар күні күшті жауын-шашын болады. Республика бойынша тұман түсіп, кей өңірлерде жел күшейеді.
