Павлодарда баласы әкесін пышақтады. Бірге ішімдік ішкен олар өзара сөзге келіп қалыпты. Ашуға булыққан ұлы пышақ ала жүгірген. Салдарынан әкесі жарақат алып, ауруханадан бір-ақ шықты. Аталған факті бойынша полиция денсаулыққа қасақана зиян келтіру бабымен іс қозғады. Іс сотқа жетіп, әкесін пышақтаған ұл 4 жылға сотталды.
АСЛАНБЕК САЙЛАУ, ҚАЛАЛЫҚ ПОЛИЦИЯ БАСҚАРМАСЫ СОЛТҮСТІК ПОЛИЦИЯ БӨЛІМІ ТЕРГЕУ БӨЛІМШЕСІНІҢ ТЕРГЕУШІСІ:
Сот алкогольдік мас күйін ауырлататын мән-жай ретінде ескерді. Сараптамалар себеп-салдарлық байланысты растады. Қылмыстық істің барлық материалдарын зерделей келе, сот айыпталушыға орташа қауіпсіздік деңгейіндегі қылмыстық-атқару жүйесі мекемесінде жазасын өтеумен 4 жыл бас бостандығынан айыру және жазасын өтеу орны бойынша алкоголизмнен мәжбүрлі ем тағайындау жөнінде үкім шығарды.
