2026 жылдың басынан бастап Психологиялық қолдау орталықтары 4 409 азаматқа жеке консультациялық және психологиялық көмек көрсетті. Бұл туралы Оқу-ағарту министрлігі хабарлады.
Олардың ішінде 2 283 бала, 1 196 ата-ана және 930 педагог бар.
- Орталықтар Мемлекет басшысының тапсырмасына сәйкес еліміздің барлық 20 өңірінде жұмыс істеп жатыр. Мамандар мектеп психологтеріне әдістемелік қолдау көрсетіп, оқушылар мен ата-аналарға кеңес береді. Сонымен қатар профилактикалық іс-шаралар ұйымдастырады, - делінген ақпаратта.
Қазіргі уақытта білім беру ұйымдарының мамандарына арналған 3 000-нан астам іс-шара өткізілді.
