Әлеуметтік желіде бір үйір киіктің ауылға кірген сәті түсірілген видео тараған еді. Орман шаруашылығы және жануарлар дүниесі комитеті видеоға қатысты түсініктеме берді.
«Қыста киіктер елді мекендерге кіріп, жақындайды. Бұл құбылыстар табиғи процесс және табиғи факторлардың жиынтығымен байланысты екенін атап өткен жөн», - деп ескертеді мамандар.
Қазақстанның биоалуандықты сақтау қауымдастығының ғылым жөніндегі директоры Сергей Скляренконың айтуынша қыста аталық киіктердің 5-10%, қатты суық кезінде тіпті 50-70% қырылып қалады. Ол жер аударған кезде аталықтардың тек 5-7% ғана тірі қалады деген деректі айтты.
«Популяция саны шамамен 2 млн бас болғанда және аталықтардың үлесі 20% құрағанда, қыс басында олардың саны шамамен 400 мыңға жетеді. Осыған байланысты, қолайлы жағдайлардың өзінде аталықтардың табиғи өлімі кемінде 20-40 мың бас деңгейінде болжауға мүмкіндік береді», - дейді ол.
