Омаха қаласының орталық бөлігінде, Небраска штатында қиылыста екі көлік жер астына құлап кетті.
Жол талғамайтын көлік пен пикап бағдаршамға тоқтаған сәтте, олардың астындағы асфальт кенеттен опырылып, көліктер бірнеше фут тереңдіктегі шұңқырға құлаған. Полиция мәліметінше, жүргізушілер зардап шекпеген.
Пикап жүргізушісі өз бетінше шығып үлгерген, кейін оқиға орнына жиналған куәгерлермен бірге жол талғамайтын көлік жүргізушісіне шұңқырдан шығуға көмектескен.
«Олар еш ойланбастан көмекке ұмтылғаны үшін алғыс айтамыз», - деді Омаха полициясының баспасөз хатшысы Сара Мартье.
Омаха қаласының Қоғамдық жұмыстар департаменті жолдың опырылуына магистральдық су құбырының жарылуы себеп болғанын хабарлады.
Қалалық сумен жабдықтауға жауапты Metropolitan Utilities District компаниясы әзірге ресми түсініктеме берген жоқ.
