Ата-анасы мен қарындасын айуандықпен өлтіріп, бөлшектеп тастаған. Жантүршігерлік оқиға Астана іргесіндегі Жібек жолы ауылында болған. Әлеуметтік желіде желдей ескен ақпаратқа сүйенсек, ауыл тұрғыны өзінің әке-шешесі мен қарындасын айуандықпен өлтіріп, денелерін бөлшектеп, жан-жаққа көміп тастаған. Ақмола облысының полиция департаменті оқиғаның жай-жапсарын нақты ашып айтпады. Бірақ қылмыстық іс қозғалып, тергеу басталғанын растады. Күдікті ізін суытпай ұсталып, қамауға алынған.
