Ауа райына байланысты бірқатар жолдарда көлік қозғалысына шектеу қойылды

10 наурыз күні сағат 20:30-дан бастап ауа райының қолайсыздығына байланысты бірқатар республикалық маңызы бар автожолдарда барлық көлік түрлерінің қозғалысына уақытша шектеу енгізілді.

Шектеу Абай және Жетісу облыстары аумағындағы бірнеше жол учаскесіне қатысты.

Абай облысында:

• «Алматы – Талдықорған – Өскемен – Шемонаиха – РФ шекарасы» автожолының 615-967 шақырымы (Жетісу облысының шекарасынан Калбатау ауылына дейін);
• «Қарағанды – Аягөз – Тарбағатай – Боғас» автожолының 528-704 шақырымы (Баршатас ауылынан Аягөз қаласына дейін);
• «Қарағанды – Аягөз – Тарбағатай – Боғас» автожолының 707-941 шақырымы (Аягөз қаласынан Боғас ауылына дейін);
• «Таскескен – Бақты – Қытай шекарасы» автожолының 0-75 шақырымы (Таскескен бұрылысы – Алматы–Өскемен трассасы арқылы Үржар ауылына дейін).

Жетісу облысында:

• «Алматы – Талдықорған – Өскемен – Шемонаиха – РФ шекарасы» автожолының 561-615 шақырымы (Үшарал қаласынан Абай облысының шекарасына дейін).

Сонымен қатар, Алматы облысыаумағында сағат 21:30-дан бастап келесі жол учаскелерінде көліктің барлық түрлері үшін қозғалыс тоқтатылды:

• «Көкпек – Кеген – Қырғыз Республикасының шекарасы (Түп) – Жалаңаш – Саты – Құрметті (Көлсай көліне кіреберіс жолымен)» автожолының 0–89 шақырымы (автожолға бұрылыс – Көлсай көлі);

• «Көкпек – Кеген – Қырғыз Республикасының шекарасы (Түп)» автожолының 0-72 шақырымы (Көкпек ауылы – Кеген ауылы).

Батыс Қазақстан облысында:

Батыс Қазақстан облысыаумағында республикалық маңызы бар «Орал – Тасқала – РФ шекарасы» автожолының 4-104 шақырым аралығында (Оралқаласынан Ресей шекарасына дейін) жүк және қоғамдық көліктердің қозғалысына шектеу қойылды.

Алдын ала мәлімет бойынша, аталған жол учаскелерінде қозғалысты 2026 жылғы 11 наурыз сағат 08:00-де және 09:00-де қайта ашу жоспарланып отыр.

Жол қызметтері жүргізушілерге ауа райы жағдайын ескеріп, алыс жолға шықпауды және қауіпсіздік талаптарын сақтауды ескертеді.