ШҚО жыл басынан бері 32 келіден астам есірткі тәркіленді. Облыстық полиция департаменті 2026 жылдың бірінші тоқсанында есірткі және психотроптық заттардың заңсыз айналымына байланысты 54 қылмысты анықтаған.
— Оның ішінде 19 қылмыстық теріс қылық және 35 есірткі қылмысы тіркелген. Атап айтқанда, есірткі өткізудің 30 дерегі және есірткі өсімдіктерін заңсыз өсірудің 1 фактісі анықталған. Сонымен қатар құрамында есірткі бар өсімдіктерді өсіруге арналған фитозертхана және синтетикалық есірткі дайындайтын зертхана жойылды, — дейді департаменттің ұйымдасқан қылмысқа қарсы күрес басқармасының бастығы Абай Бақтияров.
Заңсыз айналымнан 32 келіден астам есірткі заттары тәркіленді, оның ішіндегі 12 келіден астамы — марихуана.
